Languages

Thi jindajin rajna

Popoloca-Ngigua de San Marcos Tlacoyalco

Thi ngigua nichja chujni ngain rajna San Marcos Tlacoyalco bachrjeninxin thi ni popoloca. San Marcos Tlacoyalco jii ngain estadue Puebla, no sur ngain nunthe rajna Sasenthjua, ko jii inchin 40 kilómetro no norte rajna Ndachjian ko inchin 6 kilómetros no sureste de municipio di'in Xula de Benito Juárez. Ko ni nichja xraje'o ngigua kai te na rajna di'in San José Buenavista, ko no tuenxin jna nda'a ngain rajna San Marcos, ko rajnanchjan te'i di'in: Piedra Incada, Palo Verde, San Juan Sacabasco, San Martín Esperilla, Sopantle ko San Francisco Esperilla. Kain na nichja na ngigua thi bi'in popoloca, ko kai binchegi'in na popoloca de norte. Jii inchin 30,000 mil chujni nichja ngigua ji'i. Ko ni icha tsjé te ná ngain rajna San Marcos.

Rajna San Marcos jii inchin 1970 metros nuinxin ndachaon, ko anto xema. Ko rajna ko rajnanchjan di'in Piedra Incada, Palo Verde, San Juan Sacabasco, San Martín Esperilla, Sopantle ko San Francisco Esperilla te icha nui, a uchiaon 2500 metros nuinxin ndachaon.